Friday, June 03, 2005

தீம் பார்க்கள்

உலகின் தலைசிறந்த தீம் பார்க்கள் - Forbes இங்கு வரிசைப் படுத்தியிருக்கிறது. (ரீடிஃப் செய்தித் துண்டு)

இந்தியாவில் நான் முதன் முதலில் சென்ற தீம் பார்க், "விஜிபி தங்கக் கடற்கரை". குறைந்தது பத்து வருடங்களுக்கு முன். நீளமான தோசை தின்றதும், கூட வந்த ஏதோ ஒரு அரை டிக்கெட்டைக் காணாமல் தேடியதும் ஞாபகமிருக்கிறது. வேறொன்றும் தெளிவாக நினைவில் இல்லை.

ஐந்தாறு வருடங்களுக்கு முன் "கிஷ்கிந்தா". வேலை இடத்திலிருந்து கூட்டிச் சென்றார்கள். கூட்டமாக இரண்டு வேன்களில் சென்றோம். நிறைய ரைட்ஸ்கள். நல்ல அனுபவமாக இருந்தது.

நான் என் குடும்பத்தார் மூல கேள்விப் பட்ட வரை, கேரளாவில் எங்கோ, "வீகா லாண்ட்" என்று ஒரு தீம் பார்க். மிகச் சிறப்பாக இருக்கிறதாம்.

நீங்கள், இந்தியாவில், அல்லது வேறு நாடுகளில் எந்தெந்த தீம் பார்க்களுக்குச் சென்று இருக்கிறீர்கள்? உங்கள் அனுபவம் எப்படி? பகிர்ந்து கொள்ளுங்களேன்..
Rate this post at www.thamizmanam.com Current rating is: Click on the stars for voting pad.

Sunday, May 29, 2005

அகராதி.com ??

"Dictionary.com" அப்டீன்னு ஒரு வலைத்தளம் இருக்குது. நான் அடிக்கடி விஸிட் செய்யும் ஒரு தளம். வலையில் ஏதேனும் படித்துக் கொண்டிருக்கும் பொழுது, அர்த்தம் புரியாத வார்த்தைகளுக்கு உடனடியாக அர்த்தம் புரிந்துகொள்ள மிகவும் கையகமாக (handy) இருக்கும் தளம்.

இந்தத் தளத்திலிருந்து தினமும் எனக்கொரு மின்னஞ்சல் வருகிறது. அதாவது, "Word of the Day".

தினம் ஒரு வார்த்தை, அதன் அர்த்தம், அதை உபயோகிக்கும் முறைக்கு இரண்டு அல்லது மூன்று உதாரணங்கள், வார்த்தையின் ரிஷி-மூலம்.

எல்லா வார்த்தைகளும் மனதில் பதிந்து விடும் என்பதல்ல; என்னளவில், பத்தில் ஒன்று பதிந்தாலே போதும் தான்.

இது போல், தமிழில் ஏதேனும் ஒரு சேவை இருந்தால், சிறப்பாக இருக்கும். அதாவது, ஆங்கில வார்த்தைகள் குறைவாக பயன்படுத்த வேண்டும். அதற்கு ஈடான தமிழ் வார்த்தைகள் இருக்கின்றன என்று கூறுபவர்கள், புதிய கலைச் சொற்க்கள் போன்றவற்றை புழக்கத்தில் விட இது ஒரு நல்ல வழியாக இருக்கும்.

==

Subscribe க்கு தமிழ் வார்த்தை என்ன? Guidance க்கு தமிழ் வார்த்தை என்ன? சில சொற்களுக்கு, தமிழில் வார்த்தை சிந்திக்கும் போது, i just draw a blank.
Rate this post at www.thamizmanam.com Current rating is: Click on the stars for voting pad.