Monday, May 03, 2004

மாலனின் ஜால்ரா

சன் டிவியில், ஞாயிறன்று கருணாநிதியுடன் ஒரு தொலைபேசி வழி உரையாடல் - நிகழ்ச்சி இருந்தது. நிகழ்ச்சி நேரடி ஒலிபரப்பு. (அமெரிக்காவில் இப்போதுள்ளது போல் ஐந்து நொடி டிலே-க்கு இன்னும் இந்தியாவில் அவசியம் வரவில்லை.)

கருணாநிதி அவர்கள் நன்றாக உரையாடினார். அளவாகப்பேசினார். கேட்ட கேள்விகளுக்கு விளக்கெண்ணை போடாமல் பதிலினார். மக்களின் கேள்விகளை நேரடியாக சந்திக்க ஒரு தைரியம் வேண்டும். அவர் சந்திதார்.

நிகழ்ச்சியில் அழைத்த பலர் அநேகமாக தமிழ்நாட்டில், தண்ணீர்ப் பஞ்சம், விலைவாசி ஏற்றம், கெளரவ ரேசன் அட்டை போன்றவற்றை பற்றிக்கூறி - திமுக ஆட்சிக்கு வந்தால் அவற்றை நிவர்த்தி செய்வீர்களா என்று கேட்டனர். கருணாநிதி - எல்லாம் செய்வோம் என்றார்.

நிகழ்ச்சியை ஒருங்கிணைத்தவர் மாலன் அவர்கள்.
நிகழ்ச்சியை ஒருங்கிணைப்பதோடு நிறுத்திக்கொள்ளாமல், திமுக-வின் அடிமட்டத் தொண்டர் ரேஞ்சுக்கு ஜால்ரா போட்டார்.

சில உதாரணங்கள்.

நேயர் கேள்வி :- தமிழகத்தில் மின்சார கட்டணம் உயர்த்தப்பட்டுள்ளது. நீங்கள் ஆட்சிக்கு வந்தால் அதை குறைப்பீர்களா?

கருணாநிதி :- குறைப்போம்.

மாலனின் காமெண்ட் :- மின்சாரத்தை தொட்டால் தான் ஷாக் அடிக்கும். ஆனால், தமிழ்நாட்டில் மின்சார பில்லை பார்த்தாலே ஷாக்கடிக்கிறது.

--

நேயர் கேள்வி :- வாஜ்பாய், சோனியா, ஜெயலலிதா ஆகியோரிடம் உங்களுக்கு பிடித்தது என்ன?

கருணாநிதி :- வாஜ்பாய் - நட்பு (சரியாக என்ன சொன்னார் என்று ஞாபகம் இல்லை.) சோனியா - (என்ன சொன்னார் என்று எனக்கு மறந்து போச்சு.) ஜெயலலிதா - அதீதமான தன்னம்பிக்கை. (கருணாநிதி இப்படிச்சொன்னது எனக்கு தனிப்பட்ட முறையில் ரொம்பப் பிடித்திருந்தது.)

மாலனின் காமெண்ட் :- நீங்கள் அதீத தன்னம்பிக்கை என்று சொல்கிறீர்கள்; ஆனால் எனக்கென்னமோ அதிகப்படியான கர்வம் (அல்லது ஆணவம்) என்று தோன்றுகிறது.

--

நேயர் கேள்வி :- ஜெயலலிதா ஆட்சியில் உங்களுக்குப் பிடித்தது என்ன?

கருணாநிதி :- ஒன்றும் இல்லை.

மாலனின் காமெண்ட் :- ஜெயலலிதா ஆட்சியில் பிடிக்காத விஷயம் என்ன? என்று கேட்டால் பல விஷயங்களை பட்டியலிட முடியும். பிடித்த விஷயம் என்னவென்று கேட்டால் , என்னத்தை சொல்ல?

-------
இப்படி பல கேள்விகளுக்கு அதிகப்பிரசங்கித்தனமாக - தேவையில்லாத காமெண்ட்களை அள்ளி வீசிக்கொண்டிருந்தார். ஒரு ஒருங்கிணைப்பாளர் ( அல்லது பேட்டியாளர் ) இப்படி ஜால்ரா தட்டுவது - பத்திரிகை தர்மம் ஆகுமா? பேட்டி தர்மம் ஆகுமா என்று தெரியவில்லை.
Rate this post at www.thamizmanam.com Current rating is: Click on the stars for voting pad.

0 Comments:

Post a Comment

<< Home